ఒక్కోసారి మేకర్స్ మరీ అమాయకత్వంగా బిహేవ్ చేస్తుంటారు. తమ సినిమాకు టాక్ తేడా వస్తే వెంటనే సినిమాకు కత్తెర్లు వేస్తారు. ట్రిమ్ చేశాం అని ప్రకటిస్తారు.
తాజాగా విడుదలైన “మిస్టర్ బచ్చన్” విషయంలో ఇదే జరిగింది. ఈ సినిమాకు మొదటి రోజే నెగెటివ్ టాక్ వచ్చేసింది. ముఖ్యంగా కొన్ని ఎపిసోడ్స్ పేలవంగా ఉన్నాయి అని రివ్యూస్ వచ్చాయి. దాంతో మేకర్స్ వెంటనే మేల్కొన్నారు. సినిమా నుంచి 13 నిమిషాలు కట్ చేశారు. ఇప్పుడు సినిమా పర్ఫెక్ట్ గా ఉంది అని అంటున్నారు.
“డబుల్ ఇస్మార్ట్” విషయంలో కూడా ఇదే జరిగినట్టు వార్తలొస్తున్నాయి కానీ ట్రిమ్మింగ్ జరిగిందనే విషయాన్ని మేకర్స్ మాత్రం బయటకు చెప్పలేదు. చాలా వల్గర్ గా ఉన్న అలీ కామెడీ ట్రాక్ ను ఫస్టాఫ్ లో ఒక చోట, సెకెండాఫ్ లో 2 చోట్ల కట్ చేసినట్టు వార్తలొస్తున్నాయి.
ట్రిమ్మింగ్ తో సినిమా టాక్ ని మార్చేస్తాం అనుకోవడం పొరపాటు. ఈ రోజుల్లో టాక్ చాలా స్పీడ్ గా వెళ్తోంది. ఒక్కసారి థియేటర్లో బొమ్మ పడిన తర్వాత ఆ టాక్ ని మార్చలేం.
