రాజ్ తరుణ్ అంతే. సడెన్ గా మాయమైపోతాడు, తన సినిమా ప్రమోషన్స్ కు సడెన్ గా ప్రత్యక్షమౌతాడు. ఈ గ్యాప్ లో అతడు ఏం చేశాడు, ఏ సినిమా షూటింగ్ లో ఉన్నాడనే విషయాలు పెద్దగా బయటకు రావు.
ఇప్పుడు మరోసారి అదే దశలో ఉన్నాడు రాజ్ తరుణ్. ప్రస్తుతం ఈ హీరో ఎక్కడున్నాడు? ఏం చేస్తున్నాడు లాంటి విషయాలేవీ బయటకు రాలేదు. ఒక్కోసారి అతడు హైదరాబాద్ లోనే తన ఇంట్లోనే ఉంటాడు, కానీ బయటకు రాడు. మరికొన్ని సందర్భాల్లో ఏ గోవాకో, మలేషియాకో వెళ్లిపోతాడు.
కొన్ని నెలల కిందటి వరకు అతడి పేరు మీడియాలో మార్మోగిపోయింది. దీనికి కారణం లావణ్య ఇష్యూ. రాజ్ తరుణ్ తన పెనిమిటి అంటూ లావణ్య మీడియాకెక్కింది. ఆ రచ్చ కొన్ని నెలల పాటు సాగింది.
సడెన్ గా ఆమె మాట మార్చింది. రాజ్ తరుణ్ ను చాలా ఇబ్బంది పెట్టానని, తనను క్షమించాలని వేడుకుంది. రాజ్ తరుణ్ కనిపిస్తే అతడి కాళ్లు పట్టుకొని మన్నించమని వేడుకుంటానంటూ ఏడ్చేసింది.
ఇది జరిగిన తర్వాత రాజ్ తరుణ్ మరింత హుషారుగా బయటకొస్తాడని అంతా ఆశించారు. కానీ ఇప్పటివరకు అతడి జాడలేదు. మరో సినిమా రిలీజ్ కు రెడీ అయ్యే వరకు అతడు బయటకు రాకపోవచ్చు.
