ప్రేమ ఏదీ కోరుకోదు, ప్రేమకు ఎల్లలు లేవు, ప్రేమలో ఇచ్చిపుచ్చుకోవడాలు ఉండవు, అజరామరం ప్రేమ, ప్రేమ ఏదీ ఆశించదు.. ఇలా చాలా కొటేషన్లు చిన్నప్పట్నుంచి వింటున్నాం. తన దృష్టిలో ప్రేమ అంటే ఇదేదీ కాదంటున్నాడు విజయ్ దేవరకొండ. అన్ కండిషనల్ లవ్ అనేది పచ్చి అబద్ధమని, ప్రేమలో ఆశించడం తప్పు కాదని అంటున్నాడు.
“ప్రేమించడం అంటే ఏంటో నాకు తెలుసు. ప్రేమను పొందితే ఎలా ఉంటుందో కూడా నాకు తెలుసు. కానీ అన్-కండిషనల్ లవ్ (షరతుల్లేని ప్రేమ) అంటే ఏంటో నాకు తెలియదు. ఎందుకంటే నేను కొన్ని అంచనాలతో ప్రేమిస్తాను. లవ్ లో నాకంటూ కొన్ని ఎక్స్ పెక్టేషన్స్ ఉన్నాయి. ఏదీ ఆశించకుండా ప్రేమించడం నావల్ల కాదు.”
ఇలా ప్రేమకు తనదైన నిర్వచనం ఇచ్చాడు ఈ హీరో. గతంలో తను ఓ నటితో ప్రేమాయణం సాగించానంటున్నాడు. కెరీర్ కు పెళ్లికి సంబంధం లేదని తను చెప్పొచ్చని, కానీ ఓ మహిళా నటికి కెరీర్ మధ్యలో పెళ్లి అనేది కాస్త కష్టమైన విషయం అంటున్నాడు.
డేటింగ్ పై కూడా తనకు సదభిప్రాయం లేదని తెలిపాడు విజయ్ దేవరకొండ. చాన్నాళ్లుగా పరిచయం ఉండి, స్నేహం ఏర్పడిన తర్వాత డేటింగ్ కు వెళ్లడాన్ని తాను ఇష్టపడతానని తెలిపాడు. విజయ్ దేవరకొండ ఇచ్చిన ప్రతి స్టేట్ మెంట్ ను రష్మికకు ముడిపెడుతూ సోషల్ మీడియాలో తెగ పోస్టులు పడుతున్నాయి.
