విభిన్న చిత్రాల దర్శకుడిగా జాతీయస్థాయిలో గుర్తింపు తెచ్చుకున్నారు వెట్రిమారన్. ఆయన చిత్రాలు అన్నీ అటు విమర్శకుల ప్రశంసలు అందుకోవడమే కాదు ఇటు కమర్షియల్ గానూ విజయం సాధించాయి. ఆయన ఇటీవల రూపొందించిన “విడుదల’ చిత్రానికి చాలా పేరు వచ్చింది. తెలుగులో కూడా విడుదల అయి ప్రశంసలు అందుకొంది.
దానికి ఇప్పుడు సెకండ్ పార్ట్ వస్తోంది. ఈ సినిమాపై భారీ అంచనాలు ఉన్నాయి. “విడుదల 2” పేరుతో రూపొందిన ఈ రెండో భాగంలో విజయ్ సేతుపతి, సూరి ప్రధాన పాత్రలు పోషించారు. మరీ ముఖ్యంగా ఈ రెండో భాగం విజయ్ సేతుపతి క్యారెక్టర్ చుట్టూ తిరుగుతుంది.
తాజాగా “విడుదల 2” రిలీజ్ డేట్ ను అనౌన్స్ చేశారు మేకర్స్. డిసెంబర్ 20న రిలీజ్ కానుంది. రామ్ చరణ్ “గేమ్ ఛేంజర్” ఆ డేట్ కే రానుందని ప్రచారం జరుగుతున్నా ‘విడుదుల 2’ అదే డేట్ ని ఫిక్స్ చేసుకొంది.
ఇళయరాజా సంగీతం ఈ సినిమాకి మరో ఆకర్షణ. భవానీ శ్రీ, రాజీవ్ మీనన్, గౌతమ్ వాసుదేవ్ మీనన్, చేతన్, మంజు వారియర్, అనురాగ్ కశ్యప్ కీలక పాత్రల్లో కనిపిస్తారు.
