మొన్నటివరకు కోలీవుడ్ లో సుడిగాలి పర్యటన చేసిన వరలక్ష్మి శరత్ కుమార్ ఇప్పుడు టాలీవుడ్ లో విస్తృతంగా పర్యటిస్తోంది. దీనికి కారణం ఆమె పెళ్లి. తన వివాహానికి అందర్నీ ఆహ్వానించేందుకు వరలక్ష్మి ఇలా కష్టపడుతోంది.
తమిళనాట కమల్ హాసన్, రజనీకాంత్ లాంటి ప్రముఖులతో పాటు చాలామందికి శుభలేఖలు అందించిన వరలక్ష్మి.. ప్రస్తుతం హైదరాబాద్ లో పలువురు సెలబ్రిటీల్ని కలుస్తోంది. అడివి శేష్, ప్రశాంత్ వర్మ, సమంత, గోపీచంద్ మలినేని, రవితేజ, తమన్, మురళీ శర్మ.. ఇలా ఎంతోమందిని పర్సనల్ గా కలిగి శుభలేఖలు అందిస్తోంది. ప్రస్తుతం ఈ స్టిల్స్ సోషల్ మీడియాలో వైరల్ అవుతున్నాయి.
వచ్చేనెల 2న డెస్టినేషన్ వెడ్డింగ్ చేసుకోబోతున్నారు వరలక్ష్మి-నికొలాయ్. ఆ తర్వాత చెన్నైలో సినీ రాజకీయ ప్రముఖులకు గ్రాండ్ రిసెప్షన్ ఏర్పాటు చేస్తున్నారు. సెలబ్రిటీస్ అంతా రిసెప్షన్ కే వస్తారు.
39 ఏళ్ల వరలక్ష్మి, నికొలాయ్ ను ప్రేమించి పెళ్లి చేసుకుంటోంది. నికొలాయ్ కు మాత్రం ఇది మొదటి పెళ్లి కాదు. అతడికి ఆల్రెడీ పెళ్లయి, భార్యకు విడాకులిచ్చాడు. ఇప్పుడు వరలక్ష్మిని పెళ్లాడుతున్నాడు.
