ప్రముఖ నటుడు, దర్శకుడు, నిర్మాత ఆర్.నారాయణ మూర్తి, నిమ్స్ హాస్పిటల్ నుంచి డిశ్చార్జ్ అయ్యారు. ప్రస్తుతం తను ఆరోగ్యంగా ఉన్నట్టు ప్రకటించారు నారాయణ మూర్తి. తనకు వైద్యం అందించిన బీరప్పకు, తన కోసం వాకబు చేసిన అభిమానులకు ఆయన థ్యాంక్స్ చెప్పారు.
17వ తేదీన ప్రసాద్ ల్యాబ్స్ లో పెట్టిన ఓ ప్రెస్ మీట్ లో తీవ్ర అస్వస్థతకు గురయ్యారు ఆర్.నారాయణ మూర్తి. వెంటనే ఆయన్ను నిమ్స్ లో జాయిన్ చేశారు. వైద్యులు ఆయనకు సాధారణ వైద్య పరీక్షలు నిర్వహించారు. ఎలాంటి ప్రమాదం లేదని అప్పుడే ప్రకటించారు.
అయినప్పటికీ ఎందుకైనా మంచిదని నిమ్స్ లోనే తమ పర్యవేక్షణలో ఉంచారు. అలా 4 రోజుల పాటు హాస్పిటల్ కే పరిమితమైన నారాయణ మూర్తి ఎట్టకేలకు బయటకొచ్చారు. ఆయనకు కొన్నేళ్ల కిందట బైపాస్ సర్జరీ జరిగిన సంగతి తెలిసిందే.
ఆర్. నారాయణ మూర్తి పెళ్లి చేసుకోలేదు. ఒంటరిగానే జీవిస్తారు. నిరాడంబరమైన జీవితాన్ని గడుపుతారు.
