పాన్ ఇండియా స్టార్ ప్రభాస్ ప్రమాదవశాత్తూ గాయపడిన సంగతి తెలిసిందే. షూటింగ్ స్పాట్ లో ఆయన కాలికి దెబ్బ తగిలింది. దీంతో అన్ని షూటింగ్స్ తాత్కాలికంగా నిలిచిపోయాయి. వాటితో పాటు ‘కల్కి’ సినిమా ప్రచారంపై కూడా ఆ ప్రభావం పడింది.
వచ్చేనెల 3వ తేదీన జపాన్ లో ‘కల్కి’ సినిమా రిలీజ్ అవుతోంది. ఈ సినిమా ప్రచారం కోసం దర్శకుడు నాగ్ అశ్విన్ తో కలిసి ప్రభాస్ టోక్యో వెళ్లాల్సి ఉంది. కానీ గాయం కారణంగా ఈ ప్రచారానికి అతడు దూరమయ్యాడు.
దీంతో జపాన్ లోని తన ఫ్యాన్స్ కు సారీ చెబుతూ వీడియో రిలీజ్ చేశాడు ప్రభాస్. తన కాలికి దెబ్బ తగలడంతో ప్రయాణం చేయలేనని స్వయంగా వెల్లడించిన ప్రభాస్, త్వరలోనే జపాన్ ఫ్యాన్స్ ను కలుస్తానంటూ భరోసా ఇచ్చాడు.
వీడియో అంతా ఒకెత్తయితే, చివర్లో జపనీస్ భాషలో ప్రభాస్ మాట్లాడ్డం మరో ఎత్తు. ‘కల్కి’ సినిమాను ఎంజాయ్ చేయండంటూ జపనీస్ లో చెప్పాడు ప్రభాస్. దీంతో జపాన్ లో అతడి అభిమానులు ఫిదా అవుతున్నారు.
