ఏ సినిమాకైనా అవార్డ్ వస్తే ఆ సినిమా యూనిట్ మొత్తానికి ఆనందం. ఇక బెస్ట్ యాక్టర్ అవార్డ్ వస్తే హీరోకు రెట్టింపు ఆనందం. మరి ఒకే సినిమాకు 3 బెస్ట్ యాక్టర్ అవార్డ్స్ వస్తే ఎలా ఉంటుంది. ప్రస్తుతం అదే ఆనందాన్ని పీక్స్ లో ఎంజాయ్ చేస్తున్నాడు హీరో నాని.
నాని నటించిన దసరా సినిమా అవార్డుల పంట పండిస్తోంది. ఇప్పటికే ఈ సినిమాకు సైమా అవార్డులు చాలా వచ్చాయి. ఈమధ్య ఫిలింఫేర్ అవార్డులు కూడా వరించాయి. ఇప్పుడు తాజాగా ఐఫా అవార్డుల వేడుకల్లో కూడా దసరా మెరిసింది.
ఈ 3 అవార్డుల్లో కామన్ పాయింట్ ఏంటంటే.. బెస్ట్ యాక్టర్ అవార్డు. దసరా సినిమాలో నటనకు గాను నానీకి సైమా, ఐఫా, ఫిలింఫేర్ అవార్డులు మూడూ వచ్చాయి. అలా అవార్డుల్లో అరుదైన రికార్డ్ సృష్టించాడు ఈ హీరో.
దసరా సినిమాతో శ్రీకాంత్ ఓదెల దర్శకుడిగా పరిచయమయ్యాడు. అతడు డైరక్ట్ చేసిన తొలి సినిమానే సెన్సేషనల్ హిట్టయింది. ఇప్పుడీ దర్శకుడు, తన రెండో చిత్రాన్ని కూడా నానీతోనే చేస్తున్నాడు. త్వరలోనే ఎనౌన్స్ మెంట్ వీడియో రిలీజ్ చేయబోతున్నాడు.
