నందమూరి బాలకృష్ణ నటించిన “డాకు మహారాజ్” సంక్రాంతి కానుకగా జనవరి 12న విడుదలైంది. ఈ సినిమా మొదటి ఐదు రోజుల కలెక్షన్లు బాగున్నాయి అని టీం ఆనందంతో సక్సెస్ మీట్ జరిపింది. ఇప్పటికే కొన్నవాళ్ళు అందరూ లాభాల్లోకి వచ్చారు అని నిర్మాత నాగవంశీ, దర్శకుడు బాబీ ఈ వేదికపై ప్రకటించుకున్నారు.
ఇక బాలయ్య తన రికార్డుల గురించి, తన సినిమాల గురించి మాట్లాడుతూ తనవన్నీ అన్ స్టాపబుల్ (Unstoppable) అని తెలిపారు.
“తెలుగు సినిమా స్థాయి పెరిగింది. ఇతర దేశస్తులు కూడా మన సినిమాలను చూస్తున్నారు. అలా ఎదిగింది మన తెలుగు సినిమా. నా వరకు చూసుకుంటే, నా రికార్డ్స్ అన్నీ అన్ స్టాపబుల్, నా కలెక్షన్స్ అన్నీ అన్ స్టాపబుల్, నా అవార్డ్స్ అన్నీ అన్ స్టాపబుల్, నా రివార్డ్స్ అన్నీ అన్ స్టాపబుల్,” అని తనదైన శైలిలో చెప్పారు బాలయ్య.
జనవరి 22న అనంతపురంలో విజయోత్సవ పండుగ జరుపుతామని ప్రకటించారు బాలకృష్ణ.
