నితిన్ హీరోగా నటించిన “రాబిన్ హుడ్” చిత్రం ఎట్టకేలకు కొత్త విడుదల తేదీని ప్రకటించింది. ఈ సినిమా ఉగాది కానుకగా మార్చి 28న విడుదల కానుంది. వేసవి సెలవుల ప్రారంభంలోనే రానుంది.
నిజానికి ఈ డేట్ ని మొదట విజయ్ దేవరకొండ చిత్రానికి లాక్ చేశారు. ఆ తర్వాత ఆ డేట్ కే తమ సినిమా వస్తుంది అని ఇప్పటిదాకా “హరి హర వీర మల్లు” నిర్మాతలు ప్రకటిస్తూ వచ్చారు. కానీ సడెన్ గా “రాబిన్ హుడ్” నిర్మాతలు మార్చి 28న తమ సినిమా విడుదల అని ప్రకటించారు. అంటే, “హరి హర వీర మల్లు” ఆ డేట్ కి రావడం లేదని అర్థం.
పవన్ కళ్యాణ్ తో సినిమా తీస్తోంది మైత్రి మూవీ మేకర్స్ సంస్థ. పైగా హీరో నితిన్ పవన్ కళ్యాణ్ కి అభిమాని. సో, తమ సినిమా డేట్ ప్రకటించేముందు పవన్ కళ్యాణ్ సినిమా ఆ డేట్ కి రావడం లేదని ముందే తెలుసుకొని, ఖరారు చేసుకొని ఉంటారు. అందుకే, ఉగాది కానుకగా “రాబిన్ హుడ్”ని తెస్తున్నారు.
మరి పవన్ కళ్యాణ్ సినిమాకి ఏ డేట్ ప్రకటిస్తారో అనేది చూడాలి.
