నాగచైతన్య రెండో పెళ్లికి రెడీ అవుతున్నాడు. ఇప్పటికే శోభితతో నిశ్చితార్థం పూర్తిచేసిన ఈ హీరో, ఆమెను తన అర్థాంగిని చేసుకోబోతున్నాడు. దీనికి సంబంధించి గోధుమ రాయి (పసుపు దంచే) కార్యక్రమం ఈరోజు (October 21) శోభిత ఇంట్లో జరిగింది. అంటే పెళ్లి పనులు మొదలైనట్టే.
పెళ్లి పనులు మొదలుపెట్టినప్పటికీ పెళ్లి తేదీని మాత్రం ఇంకా నాగచైతన్య బయటపెట్టలేదు. అటు నాగచైతన్య, ఇటు శోభితలో ఎవ్వరూ పెళ్లి తేదీని ఇంకా వెల్లడించలేదు.
తాజా సమాచారం ప్రకారం.. నాగచైతన్య-శోభిత డిసెంబర్ మొదటి వారంలో (December 4 and 5) పెళ్లి చేసుకోబోతున్నారు. త్వరలోనే టాలీవుడ్ కు చెందిన ప్రముఖులు చాలామంది పెళ్లి శుభలేఖలు అందుకోబోతున్నారు.
ఆగస్టులో నిశ్చితార్థం చేసుకున్న నాగచైతన్య-శోభిత్.. ఆ రోజు దిగిన ఫొటోల్ని షేర్ చేశారు. ఆ తర్వాత మళ్లీ ఆమెతో కనిపించలేదు చైతూ. ఎట్టకేలకు రీసెంట్ గా శోభిత-చైతూ కలిసి దిగిన ఫొటో ఒకటి సోషల్ మీడియాలో వైరల్ అయింది.
అలా ఫొటో వైరల్ అయిన కొన్ని రోజులకే శోభిత ఇంట పెళ్లి పనులు మొదలయ్యాయి. త్వరలోనే నాగచైతన్య, శోభిత తమ పెళ్లి వివరాల్ని వెల్లడించబోతున్నారు.
