నాగచైతన్య, శోభిత నిశ్చితార్థం పూర్తయింది. ఇక పెళ్లి ఒక్కటే బ్యాలెన్స్. అక్కడే చాలా ఊహాగానాలు, కథనాలు, చర్చలు పుట్టుకొచ్చాయి. చైతూ-శోభిత డెస్టినేషన్ వెడ్డింగ్ చేసుకుంటారా? అసలు వాళ్లు ఇండియాలోనే పెళ్లి చేసుకుంటారా.. విదేశాలకు వెళ్తారా..
ఇలా చాలా ప్రశ్నలు, చర్చలు సాగుతున్న వేళ.. తన పెళ్లిపై నాగచైతన్య స్పందించాడు. అసలింతవరకు పెళ్లి గురించి ఏమీ అనుకోలేదని ప్రకటించి షాకిచ్చాడు చైతూ. వీలైనంత త్వరగా వీళ్లిద్దరూ పెళ్లి చేసుకుంటారనే ఊహాగానాల నేపథ్యంలో, అసలు పెళ్లి వేదికపై ఎలాంటి నిర్ణయం తీసుకోలేదని చైతూ ప్రకటించడం షాకింగ్.
ఇంతకుముందు సమంతను ప్రేమించి పెళ్లి చేసుకున్నాడు నాగచైతన్య. ఇద్దరూ గోవాలో పెళ్లి చేసుకున్నారు. సమంతకు, నాగచైతన్యకు ఇద్దరికీ గోవా అంటే ఇష్టం. అందుకే అక్కడ పెళ్లి చేసుకున్నారు. ఆ తర్వాత విడాకులు తీసుకున్నారు.
మరి ఈసారి శోభితకు ఏ ప్లేస్ అంటే ఇష్టమనేది తేలాల్సి ఉంది. గతంలో ఇచ్చిన ఇంటర్వ్యూల్లో ఆమె తనకు రాజస్థాన్ లో పర్యటించడం చాలా ఇష్టమని చెప్పింది. దీంతో చైతూ-శోభిత రాజస్థాన్ లోనే పెళ్లి చేసుకుంటారనే చర్చ సాగుతోంది.
