పిల్లలు వద్దు అనుకునే ఒక మధ్యతరగతి యువకుడిగా సుహాస్ నటించాడు ‘జనక అయితే గనక’ అనే చిత్రంలో. వచ్చే నెల 7న విడుదల కానుంది. ఈ సినిమా ట్రైలర్ వచ్చింది.
దిల్ రాజు ప్రొడ‌క్ష‌న్స్ నిర్మిస్తోన్న ఈ చిత్రాన్ని సందీర్ రెడ్డి బండ్ల డైరెక్ట్ చేశారు. సుహాస్, సంగీర్తన హీరో హీరోయిన్లుగా నటించారు.
ట్రైలర్ ని బట్టి చూస్తే ఒక కంపెనీపై హీరో కేసు వెయ్యడం అనే పాయింట్ పై కథ నడుస్తుంది. పెళ్లైన‌ప్పటికీ పిల్లలు వ‌ద్ద‌ని అనుకునే సుహాస్ కి ఒక రోజు తన భార్య గ‌ర్భ‌వ‌తి అని తెలుస్తుంది. అన్ని జాగ్రత్తలు తీసుకున్నా ఆమె నెల తప్పింది. దాంతో, తన భార్య నెల తప్పడానికి కారణం ఐన ఒక కంపెనీపై కేసు వేస్తాడు. ఇది కొత్త పాయింట్.
ట్రైలర్ ఆసక్తిగా ఉంది. కామెడీతో పాటు మెసేజ్ కూడా ఉంది. “OMG” వంటి బాలీవుడ్ సినిమాల తరహాలో విచిత్రమైన కేసు చుట్టూ తిరిగే సినిమా అన్నమాట.
