శుక్రవారం రిలీజైన ‘గేమ్ ఛేంజర్’ సినిమా చూసి కొంతమంది నిరాశ చెందారు. దీనికి కారణం సూపర్ హిట్టయిన ‘నానా హైరానా’ అనే సాంగ్ లేకపోవడమే. మొదటి ఆట పడిన వెంటనే, ఈ ఇష్యూపై అధికారిక ప్రకటన చేసింది యూనిట్.
ఇన్ ఫ్రారెడ్ కెమెరాతో తీసిన ఈ సాంగ్ సకాలంలో రెడీ అవ్వలేదని, ఇన్ ఫ్రారెడ్ ఇమేజెస్ ను ప్రాసెస్ చేయడానికి టైమ్ తీసుకుందని వెల్లడించింది. అంతేకాదు, సంక్రాంతి కానుకగా 14వ తేదీన ఈ సాంగ్ ను యాడ్ చేస్తామని కూడా తెలిపింది.
అయితే చెప్పిన తేదీకి 2 రోజుల ముందే ‘నానా హైరానా’ సాంగ్ ను అందుబాటులోకి తీసుకొచ్చింది యూనిట్. సిల్వర్ స్క్రీన్ పై ఈ సాంగ్ ఓ దృశ్యకావ్యంలా కనిపిస్తోంది. అద్భుతమైన ఫ్రేమ్స్, లొకేషన్స్, కలర్స్.. ఈ సాంగ్ ప్రత్యేకత.
తమన్ కంపోజ్ చేసిన ఈ సాంగ్ ను శ్రేయా ఘోషల్, కార్తీక్ ఆలపించారు. 60 మిలియన్ కు పైగా వ్యూస్ తో యూట్యూబ్ లో చార్ట్ బస్టర్ గా నిలిచింది. కాస్త లేట్ అయినా లేటెస్ట్ గా వచ్చిన ఈ పాట, ‘గేమ్ ఛేంజర్’కు మరో అదనపు ఆకర్షణగా నిలుస్తోంది.
