ఉరుములేని పిడుగులా తన ఎంగేజ్ మెంట్ న్యూస్ మోసుకొచ్చాడు అక్కినేని అఖిల్. జైనాబ్ రౌజీ అనే అమ్మాయితో తనకు నిశ్చితార్థం జరిగినట్టు వెల్లడించాడు. దీంతో ఎవరీ జైనాబ్ అంటూ సోషల్ మీడియాలో ఎంక్వయిరీలు మొదలయ్యాయి.
ప్రస్తుతానికైతే ఆమెపై మీడియా దగ్గర పెద్దగా సమాచారం లేదు. ఉన్నంతలో తెలిసింది ఏంటంటే, ఆమె ఓ అబ్-స్ట్రాక్ట్ పెయింటర్. తెలుగులో చెప్పాలంటే కాల్పనిక చిత్రకారిణి అన్నమాట. ఆమె గీసే బొమ్మలు నేరుగా చూస్తే అర్థం కావు. తదేకంగా, ఎంతో ఆలోచనతో అర్థం చేసుకోవాల్సి ఉంటుంది.
ఈమె పుట్టింది హైదరాబాద్ లోనే నంట. కాకపోతే ముంబయిలో పెరిగింది. అఖిల్ కు, ఈమెకు ఎప్పుడు, ఎక్కడ పరిచయమైందనే విషయాన్ని పక్కనపెడితే.. ఉపాసన కొణెదల, రానా దగ్గుబాటి లాంటి వాళ్లు ఇప్పటికే ఆమెను ఫాలో అవుతున్నారు.
మరో క్రేజీ న్యూస్ ఏంటంటే.. అఖిల్ కంటే ఈమె వయసులో పెద్దదంట. ప్రస్తుతం ఆమె వయసు 39 ఏళ్లు అనేది కొందరి మాట. అఖిల్ కు ప్రస్తుతం 30 ఏళ్లు.
