‘రాజాసాబ్’ సినిమాలో మెయిన్ హీరోయిన్ రోల్ పోషిస్తోంది మాళవిక మోహనన్. ప్రభాస్ సినిమాలో హీరోయిన్ కు ఎలాంటి ట్రీట్ మెంట్ ఉంటుందో అందరికీ తెలిసిందే కదా.. రకరకాల ఆహార పదార్థాలతో ముంచెత్తుతాడు ప్రభాస్. తన హీరోయిన్లను మహారాణిలా చూసుకుంటాడు, అతిథి సత్కారాల్లో ఏమాత్రం లోటు చేయడు.
ఆ అనుభవాన్ని తను కూడా చవిచూశానంటోంది మాళవిక. సెట్స్ లో ప్రభాస్ పెట్టే భోజనం తినలేకపోయానని చెప్పుకొచ్చింది. తన జీవితంలో అమ్మ చేతి వంట తర్వాత ఆ స్థాయిలో ఎంజాయ్ చేసిన ప్రభాస్ పెట్టిన భోజనాన్ని ఎంజాయ్ చేశానని చెప్పుకొచ్చింది.
‘సాహో’ టైమ్ లో శ్రద్ధా కపూర్ కు, ‘సలార్’లో శృతిహాసన్ కు, కల్కి’లో దీపిక పదుకోన్ కు ప్రభాస్ అతిథి మర్యాదల గురించి బాగా తెలుసు. శృతిహాసన్ అయితే సందర్భం దొరికితే చాలు ప్రభాస్ భోజనాల గురించి చెబుతుంటుంది. ఇప్పుడీ లిస్ట్ లోకి మాళవిక కూడా చేరిపోయింది.
అన్నట్టు ‘రాజాసాబ్’లో తన పాత్రపై స్పందించింది ఈ బ్యూటీ.
సినిమాలో తన క్యారెక్టర్ చాలా కొత్తగా ఉంటుందని, ఎవ్వరూ గెస్ చేయలేరని ఛాలెంజ్ చేస్తోంది. భవిష్యత్తులో మళ్లీ అలాంటి పాత్ర తనకు దక్కదని కూడా అంటోంది.
