బాలీవుడ్ బ్యూటీ మలైకా అరోరాకు మరోసారి బెయిల్ దొరికింది. ఓ చిన్న కేసుకు సంబంధించి కొన్నేళ్లుగా ఆమె ఇబ్బంది పడుతోంది. ఇప్పుడా కేసు నుంచి మరోసారి ఆమెకు బెయిల్ దక్కింది.
2012లో సైఫ్ అలీఖాన్, కరీనా కపూర్, మలైకా అరోరా కలిసి ముంబయిలోని ఓ రెస్టారెంట్ కు వెళ్లారు. అక్కడ ఓ కస్టమర్ తో సైఫ్ గొడవపడ్డాడు. అతడిపై సైఫ్ దాడి చేశాడు కూడా. దాడిపై సదరు కస్టమర్ కేసు వేశాడు.
అప్పట్నుంచి ఆ కేసు కోర్టులో ఉంది. సాక్షిగా ఉన్న మలైకా అరోరా కోర్టుకు హాజరుకాకపోవడంతో గత 8వ తేదీన బెయిలబుల్ వారెంట్ జారీ చేశారు. ఇప్పుడా కేసు విచారణకు హాజరుకాకుండా మరోసారి బెయిల్ తెచ్చుకుంది మలైకా.
51 ఏళ్ల మలైకా అరోరా ఇప్పటికీ తన అందంతో అందర్నీ ఆకర్షిస్తోంది. పెద్దగా సినిమా అవకాశాల్లేకపోయినా, ఫొటోషూట్స్, గాసిప్స్ తో నిత్యం ఆమె లైమ్ లైట్లో ఉంటోంది.
