విజయ్ ఆంటోనీ హీరోగా నటించిన లేటెస్ట్ మూవీ… “లవ్ గురు”. మంచి కలెక్షన్స్ అందుకుంటోంది ఈ మూవీ. ఈ సినిమాని మరింత విజయవంతం చేసేందుకు టీం ఒక కొత్త ఆఫర్ ని ప్రకటించింది.
“లవ్ గురు” సినిమా చూసే ప్రేక్షకుల్లో విజేతలను ఫ్యామిలీతో సమ్మర్ హాలీడే టూర్ తీసుకెళ్తామని ప్రకటించారు మేకర్స్. ఈ సినిమాలో హీరో మలేసియాలో పనిచేస్తాడు. అందుకే ఫస్ట్ ప్రైజ్ విన్నర్ కు మలేషియాని తీసుకెళ్తామంటున్నారు.
ఇక సెకండ్ ప్రైజ్ విజేతకు కాశ్మీర్, థర్డ్ ప్రైజ్ విన్నర్ కు ఊటీ హాలీడే ట్రిప్ ని ప్రకటించింది “లవ్ గురు” టీమ్.
ఇవాళ్టి నుంచి ఈ ఆఫర్ అందుబాటులోకి రానుంది. “లవ్ గురు” సినిమా చూసిన ప్రేక్షకులు పేరు, ఫోన్ నెంబర్, టికెట్ వివరాలు రాసి థియేటర్స్ దగ్గర ఏర్పాటు చేసిన బాక్సుల్లో వేయాలి. ఆన్ లైన్ టికెట్ కొన్న ప్రేక్షకులు 9963466334 నెంబర్ కు మీ టికెట్ ఫొటోను వాట్సాప్ చేయాలి. ఈ సమ్మర్ హాలీడేస్ వెకేషన్ ను పూర్తి ఉచితంగా ఎంజాయ్ చేసే అవకాశం “లవ్ గురు” సినిమా టీమ్ కల్పిస్తోంది.
“లవ్ గురు”లో విజయ్ ఆంటోని, మృణాళిని రవి జంటగా నటించగా..విజయ్ ఆంటోనీ ఫిలిం కార్పొరేషన్ బ్యానర్ పై మీరా విజయ్ ఆంటోనీ సమర్పణలో విజయ్ ఆంటోనీ నిర్మించారు. వినాయక్ వైద్యనాథన్ దర్శకత్వం వహించారు.
