“భారతీయుడు – 2” ట్రయిలర్ లో తన గెటప్స్ తో పిచ్చెక్కించారు కమల్ హాసన్. సినిమాలో ఇలాంటి గెటప్స్ ఇంకా ఉన్నాయంటూ శంకర్ ఆల్రెడీ లీడ్ ఇచ్చేశాడు. “భారతీయుడు” మొదటి భాగంలో 2-3 గెటప్స్ లోనే మాత్రమే కనిపించిన కమల్, ఈ సీక్వెల్ లో మాత్రం తన నటవిశ్వరూపాన్ని చూపించేశారు.
ఈ మేకప్స్ కు సంబంధించి ఆసక్తికర విషయాన్ని వెల్లడించారు దర్శకుడు శంకర్. భారతీయుడు సినిమాలో ప్రోస్తటిక్స్ తో కేవలం 20 రోజులు మాత్రమే వర్క్ చేశారట కమల్. “భారతీయుడు-2” సినిమా కోసం మాత్రం ఆయన 70 రోజుల పాటు ప్రోస్తటిక్స్ పై వర్క్ చేయాల్సి వచ్చిందని, దీన్ని బట్టి సినిమాలో ఆయన ఎన్ని గెటప్స్ లో కనిపిస్తారో ఊహించుకోవచ్చని అన్నాడు.
సాధారణంగా ప్రోస్తటిక్స్ వేయడానికి 2 గంటలు పడుతుంది. కమల్ హాసన్ వేసుకున్న మేకప్ కు మాత్రం 3 గంటలు పట్టేదంట. షూటింగ్ పూర్తయిన తర్వాత అది తీసేయడానికి మరో 3 గంటల సమయం పట్టేదంట. ఈ మేకప్ కోసం అందరికంటే ముందుగా సెట్స్ పైకి కమల్ హాసన్ వచ్చేవారని, ప్యాకప్ చెప్పిన తర్వాత అందరికంటే లేటుగా సెట్స్ నుంచి వెళ్లేవారని అన్నాడు శంకర్.
ALSO READ: Bharateeyudu 2 Trailer – Tom and Jerry Game Begins
వచ్చే నెల 12న థియేటర్లలోకి వస్తోంది “భారతీయుడు-2” సినిమా. తాజాగా రిలీజైన ట్రయిలర్ తో సినిమాపై అంచనాలు కొంత పెరిగాయి. ఇంకా చెప్పాలంటే, ఈ ట్రయిలర్ తోనే అసలైన బజ్ మొదలైంది.
