కొన్ని సినిమాలు అనుకోకుండా భలే సెట్ అవుతాయి. ఇది కూడా అలాంటిది ఉదంతమే. జూన్ 7 వీకెండ్ అరడజను సినిమాలు విడుదలకు సిద్ధమయ్యాయి. వీటిలో రెండు సినిమాలు మాత్రం ఒకే జానర్ లో వస్తున్నాయి. పైగా రెండూ ఫిమేల్ ఓరియంటెడ్ కథలే.
కెరీర్ లో తొలిసారి హీరోయిన్ ఓరియెంటెడ్ థ్రిల్లర్ మూవీ చేసింది. అలా కాజల్ చేసిన ఆ సినిమా “సత్యభామ”. ఇందులో ఆమె పోలీసాఫీసర్ పాత్రలో కనిపించింది. శశికిరణ్ తిక్క స్క్రీన్ ప్లే అందించిన ఈ సినిమాకు సుమన్ చిక్కాల దర్శకత్వం వహించాడు. జూన్ 7న విడుదల కానుంది. ఇప్పటికే కాజల్ ఈ సినిమా కోసం తెగ ప్రచారం చేస్తోంది.
సరిగ్గా ‘సత్యభామ’ రిలీజైన రోజునే మరో ఖాకీ సినిమా కూడా రిలీజ్ అవుతోంది. దాని పేరు “రక్షణ”. గమ్మత్తుగా ఇది కూడా ఫిమేల్ ఓరియంటెడ్ సినిమానే. పాయల్ రాజ్ పుత్ లీడ్ రోల్ పోషించిన ఈ సినిమా కూడా ఈ శుక్రవారమే థియేటర్లలోకి వస్తోంది.
ఇలా ఒకేసారి రెండు ఫిమేల్ ఓరియంటెడ్ సినిమాలు, ఒకే జానర్ లో థియేటర్లలోకి రావడం కాకతాళీయం. అయితే ఈ సినిమాలతో పాటు ఆ రోజున శర్వానంద్ ‘మనమే’ మూవీ వస్తోంది. అందరి దృష్టి ఆ సినిమాపైనే ఉంది.
