ఒకవైపు సమంత – దర్శకుడు రాజ్ నిడుమోరు మధ్య లవ్ అఫైర్ గురించి జోరుగా వార్తలు సాగుతున్నాయి. మరోవైపు, సమంత ఫ్యాషన్ మేగజైన్లకు ఇంటర్వ్యూలు, ఫోటోషూట్లు ఇస్తోంది. తాజాగా జీక్యూ (GQ) మేగజైన్ తో ముచ్చటించింది.
సుదీర్ఘ ఇంటర్వ్యూలో ఆకట్టుకున్న అంశం ఏంటంటే… అసూయ గురించి ఆమె మాటలు.
ఆమె మాజీ భర్త నాగ చైతన్య ఇటీవలే రెండో పెళ్లి చేసుకున్నాడు. హీరోయిన్ శోభితని పెళ్లాడిన నాగ చైతన్య తన కొత్త భార్య గురించి గొప్పగా చెప్తున్నాడు. ఈ సందర్భంగా సోషల్ మీడియా జనాలు సమంత ఇక అసూయతో చచ్చిపోతుందేమో అని కామెంట్స్ పెట్టారు. బహుశా ఈ కామెంట్స్ కి సమాధానం అన్నట్లుగా ఆమె ఇంటర్వ్యూ ఉంది.
“నాలో ఒకటి పూర్తిగా ఉండదు. అదే అసూయపడే గుణం. నా జీవితంలోకి, నాలోకి అసూయ రాకుండా చూసుకుంటాను,” ఇది ఆమె స్టేట్మెంట్.
