తన సినిమాలో చిరంజీవి పాత్రపై స్పందించాడు అనీల్ రావిపూడి. కామెడీ టైమింగ్ లో చిరంజీవి నెక్ట్స్ లెవెల్ అని తెలిపిన అనీల్ రావిపూడి.. కొత్త సినిమాలో తన మార్క్ కామెడీ ఉంటూనే, మెగాస్టార్ స్టయిల్ కనిపిస్తుందని అంటున్నాడు.
“చిరంజీవి కామెడీ చేస్తే ఎలా ఉంటుందో, ఇంతకుముందు కొన్ని సినిమాల్లో చూశాం. ఈ సినిమాలో నెక్ట్స్ లెవెల్ చూస్తారు. సినిమాలో నా టైపు సిచ్యుయేషన్ కామెడీ ఉంటుంది. దానికి చిరంజీవి మార్కు కామెడీ టచ్ ఉంటుంది. నా స్క్రిప్ట్ ను చిరంజీవి బాగా ఎడాప్ట్ చేసుకున్నారు. గ్యాంగ్ లీడర్, ఘరానా మొగుడు, చంటబ్బాయ్ సినిమాల్లో సిచ్యుయేషన్ కామెడీ ఎలా ఉంటుందో, నా సినిమాలో అలానే ఉంటుంది.”
ఇలా తన సినిమాలో చిరంజీవి క్యారెక్టరైజేషన్ ను బయటపెట్టాడు అనీల్ రావిపూడి. సినిమాలో యాక్షన్, డ్రామాతో పాటు చిరంజీవి నుంచి కామెడీ కూడా చూస్తారని అంటున్నాడు. ఇక వెంకటేష్ ఎంట్రీపై కూడా స్పందించాడు.
చిరంజీవి సినిమాలో వెంకీ పాత్ర ఇలా వచ్చి అలా వెళ్లిపోయేలా గెస్ట్ రోల్ తరహాలో ఉండదని స్పష్టం చేశాడు రావిపూడి. అతిథి పాత్ర కంటే ఎక్కువగా వెంకటేష్ పాత్ర ఉంటుందని.. చిరు-వెంకీ కాంబినేషన్ లో సన్నివేశాలు కూడా ఉంటాయని స్పష్టం చేశాడు రావిపూడి.
