బాలకృష్ణ హోస్ట్ చేసే “అన్ స్టాపబుల్ “కార్యక్రమానికి గెస్టుల కొరత ఎదురైంది. ఆ విషయం గత సీజన్ లోనే తెలిసింది. మరి కొత్త సీజన్ లో ఎలా? అందుకే ఇక అన్ స్టాపబుల్ రాదని చాలామంది అనుకున్నారు. కానీ కొత్త సీజన్ వస్తోంది..
“అన్ స్టాపబుల్” కొత్త సీజన్ కు ముహూర్తం ఫిక్స్ అయింది. దసరా నుంచి కొత్త సీజన్ మొదలవుతుంది. మరి గెస్టుల పరిస్థితేంటి? ఈ సారి పాన్ ఇండియా లెవెల్లో అన్ స్టాపబుల్ ను సెట్ చేసినట్టు తెలుస్తోంది. సోలో ఇంటర్వ్యూలతో పాటు, కాంబినేషన్లు కూడా సెట్ చేసి మరీ ఇంటర్వ్యూలు సాగించబోతున్నారు.
దసరా రోజున మొదలయ్యే ఈ కొత్త సీజన్ డిసెంబర్ వరకు కొనసాగుతుంది. గత సీజన్ కు పెద్దగా రెస్పాన్స్ రాకపోవడంతో, ఈసారి కాస్త జాగ్రత్తలు ఎక్కువగా తీసుకున్నట్టు తెలుస్తోంది. మరీ ముఖ్యంగా పొలిటికల్ టచ్ కు దూరంగా ఉండాలని నిర్ణయించుకున్నట్టు సమాచారం.
ప్రస్తుతం బాబి దర్శకత్వంలో ఓ సినిమా చేస్తున్నారు బాలయ్య. ఆ మూవీ కొలిక్కి వచ్చిన వెంటనే అన్ స్టాపబుల్ లో ఆయన జాయిన్ అవుతారు. ఓవైపు ఈ కార్యక్రమాన్ని నిర్వహిస్తూనే, మరోవైపు బోయపాటి సినిమాను ఆయన పట్టాలపైకి తీసుకురాబోతున్నారు.
