సినిమా షూటింగ్ తో పాటే ప్రచారం చేయడం ఇప్పుడు కొత్త ట్రెండ్. కొబ్బరికాయ కొట్టిన రోజు నుంచే ప్రమోషన్ కూడా మొదలుపెడుతున్నారు. ‘అఖండ-2’ సినిమాకు కూడా ఇదే పద్ధతి ఫాలో అవుతున్నారు.
ఓపెనింగ్ నుంచే అదరగొడుతున్న ఈ సినిమా తాజాగా సెట్స్ పైకొచ్చిన సంగతి తెలిసిందే. మహా కుంభమేళాలో కూడా షూటింగ్ చేశారు. ఈమధ్యనే సెట్స్ పైకొచ్చిన ఈ సినిమా నుంచి అప్పుడే ఫస్ట్ లుక్ రెడీ అయింది.
శివరాత్రికి ‘అఖండ-2’ ఫస్ట్ లుక్ రిలీజ్ చేయబోతున్నారు. ఈ సినిమాలో అఘోరాగా కనిపించబోతున్నాడు బాలయ్య. కాబట్టి శివరాత్రికి ఫస్ట్ లుక్ రిలీజ్ చేయడం అన్ని విధాలుగా సెట్ అవుతుందని మేకర్స్ భావిస్తున్నారు.
బోయపాటి దర్శకత్వంలో తెరకెక్కుతున్న ఈ సినిమాలో ప్రగ్యా జైశ్వాల్, సంయుక్త మీనన్ హీరోయిన్లుగా నటిస్తున్నారు. 14 రీల్స్ ప్లస్ బ్యానర్పై రామ్ ఆచంట, గోపీ ఆచంట ఈ సినిమాను నిర్మిస్తున్నారు. తమన్ సంగీతం అందిస్తున్నాడు. దసరా కానుకగా సెప్టెంబర్ 25న ‘అఖండ-2’ సినిమాను విడుదల చేయాలని అనుకుంటున్నారు.
