షార్ట్ గ్యాప్ తర్వాత మరోసారి తెలుగు ప్రేక్షకుల ముందుకొస్తోంది శ్రద్ధా శ్రీనాధ్. విశ్వక్ సేన్ సరసన ఆమె నటించిన మెకానిక్ రాకీ విడుదలకు సిద్ధమైంది. ఈ ప్రమోషన్ లో భాగంగా మాట్లాడిన శ్రద్ధ.. కొత్తకొత్తవి అనుభూతి చెందడం తనకు ఇష్టమని చెబుతోంది.
మెకానిక్ రాకీ కథలో మీకు నచ్చిన ఎలిమెంట్స్?
నేను ఒక ఆర్మీ ఫ్యామిలీలో పుట్టాను. ప్రతి రెండేళ్ళకోసారి రాష్ట్రం మారుతుంటాం. అలా కొత్తకొత్తవి అనుభూతి చెందడం అలవాటైంది. ‘మెకానిక్ రాకీ’లో నాది అలాంటి కొత్త పాత్ర. ఇప్పటివరకూ చేయని రోల్ ఇది. నాకు చాలా ఎక్సయిటింగ్ ప్రాజెక్ట్. ఒక ఛాలెంజ్ గా తీసుకొని చేశాను. మాయ క్యారెక్టర్ ని చాలా ఎంజాయ్ చేస్తూ చేశాను.
మరో హీరోయిన్ మీనాక్షితో కాంబినేషన్..?
సినిమాలో మాకు కాంబినేషన్ సీన్స్ పెద్దగా లేవు కానీ సెట్స్ లో చాలా సార్లు కలిశాం. తనది కూడా ఆర్మీ కుటుంబమే. మా ఇద్దరి మధ్య చాలా పోలికలున్నాయి.
మీ తొమ్మిదేళ్ళ సినిమా జర్నీ గురించి?
నాకు ఇండస్ట్రీలో గాడ్ ఫాదర్స్ ఎవ్వరూ లేరు. ప్రతి సినిమా ఒక లెసన్. ఈ జర్నీలో ఎన్నో ఎత్తుపల్లాలున్నాయి. జెర్సీ తర్వాత పీక్స్ చూశాను. కోవిడ్ లో సినిమాలు ఆగినప్పుడు అందరిలానే నేనూ భయపడ్డాను. హిట్స్, ఫ్లాప్స్ ని ఒకేలా తీసుకోవడం అలవాటు చేసుకున్నాను. నాకు క్యాలిటీ వర్క్స్ ఇష్టం. అందుకే కొంచెం సెలెక్టివ్ గా వెళ్తున్నాను.
ఇష్టమైన జోనర్?
చూడటాని హారర్ జోనర్ ఇష్టం. చేయడానికి మాత్రం ‘కల్కి’ లాంటి సైన్స్ ఫిక్షన్ కథలంటే ఇష్టం. అలాగే బాహుబలి లాంటి పిరియడ్ సినిమాలో పార్ట్ అవ్వాలని ఉంటుంది. అలాగే కామెడీ సినిమాల్లో కూడా చేయాలని ఉంది.
అప్ కమింగ్ ప్రాజెక్ట్స్?
“డాకు మహారాజ్” సంక్రాంతికి వస్తోంది. తమిళ్ లో ఓ వెబ్ సిరీస్ చేస్తున్నాను. విష్ణు విశాల్ తో ఓ సినిమా ఉంది.
