హీరో సుశాంత్, హీరోయిన్ మీనాక్షి చౌదరి పెళ్లి చేసుకోబోతున్నారంటూ కొన్ని రోజులుగా పుకార్లు చెలరేగిన సంగతి తెలిసిందే. దీనిపై మీనాక్షి చౌదరి టీమ్ క్లారిటీ కూడా ఇచ్చింది, పుకార్లను కొట్టి పారేసింది. ఇప్పుడు స్వయంగా మీనాక్షి ఈ రూమర్స్ పై స్పందించింది.
తన పెళ్లిపై వచ్చిన పుకార్లలో ఎలాంటి వాస్తవం లేదంటోంది మీనాక్షి. గత నెలలో కూడా ఇలాంటిదే ఓ పుకారు వచ్చిందని, ఓ తమిళ హీరో కొడుకును పెళ్లాడతానంటూ వార్తలొచ్చాయని, అందులో ఎలాంటి నిజం లేదని క్లారిటీ ఇచ్చింది.
“ప్రస్తుతం నేను సింగిల్ గా ఉన్నాను, అలా అని ఇప్పటికిప్పుడు మింగిల్ అయ్యే ఆలోచన కూడా లేదు.” అంటూ ప్రకటించిన మీనాక్షి.. పనిలోపనిగా మరో పుకారుపై కూడా స్పష్టత ఇచ్చింది.
“సలార్-2” లో ఈమెను తీసుకున్నారనే పుకారు వ్యాపించింది. అది కూడా అబద్ధమని చెప్పేసింది.
ఆమె నటించిన “మెకానిక్ రాకీ” విడుదలకు సిద్ధమైంది. ‘సంక్రాంతికి వస్తున్నాం’ సినిమా సంక్రాంతికి షెడ్యూల్ అయింది.
