వరుణ్ తేజ్ హీరోగా మంచి పొజిషన్ లో ఉన్న మాట వాస్తవమే. కానీ, అతనికి ఇటీవల ఉన్న విజయాలు చాలా తక్కువ. మార్కెట్ వ్యాల్యూ కూడా పెద్దగా లేదు. అయినప్పటికీ ఇప్పుడు భారీ బడ్జెట్ తో ‘మట్కా’ అనే పీరియడ్ మూవీ చేశాడు.
డాక్టర్ విజయేందర్ రెడ్డి తీగల, రజనీ తాళ్లూరి నిర్మిస్తున్న ఈ చిత్రానికి కరుణ కుమార్ దర్శకత్వం వహిస్తున్నారు. నవంబర్ 14న సినిమా విడుదల కానుంది. దాంతో ప్రచార కార్యక్రమాలు కూడా జోరందుకున్నాయి. ఇటీవలే మొదటి పాట “లే లే రాజా” బయటికి వచ్చింది. కానీ ఈ సినిమాకి భారీ ఓపెనింగ్స్ రాబట్టడం అంత సులువు కాదు. అందుకే, వరుణ్ తేజ్ కి ఈ సినిమా పెద్ద పరీక్ష.
