హీరోయిన్లు సింగిల్ గా ఉంటే, వాళ్ల లవ్ లైఫ్ పై పుకార్లు ఉంటాయి. అదే హీరోయిన్ తన ప్రేమను బయటపెడితే, ఇక పెళ్లిపై పుకార్లు మొదలవుతాయి. తమన్న విషయంలో రెండోది జరుగుతోంది.
విజయ్ వర్మతో తన లవ్ మేటర్ ను బయటపెట్టింది తమన్న. ఇద్దరం కొన్నాళ్లుగా ప్రేమించుకుంటున్నామని వెల్లడించింది. అటు విజయ్ వర్మ కూడా ఇదే విషయాన్ని నిర్ధారించాడు. తమన్నతో క్వాలిటీ లైఫ్ ను ఎంజాయ్ చేస్తున్నానని, ఆమెతో దిగిన 5వేల ఫొటోలు తన దగ్గరున్నాయని అన్నాడు.
ఇలా ఇద్దరూ ఎంచక్కా ప్రేమించుకుంటున్నారు. మరి పెళ్లెప్పుడు..? ఈ విషయం అడిగితే మాత్రం తమన్న ఫైర్ అయిపోతోంది.
తన పెళ్లిపై ఇప్పటికే చాలాసార్లు స్పష్టత ఇచ్చింది మిల్కీబ్యూటీ. సరైన టైమ్ లో పెళ్లి చేసుకుంటామని, ప్రస్తుతం తామిద్దరం కెరీర్ పైనే దృష్టిపెట్టామని గతంలోనే వెల్లడించింది. అయినప్పటికీ తాజాగా మరోసారి తమన్నకు ఇదే ప్రశ్న ఎదురైంది.
దీంతో కాస్త అసహనం వ్యక్తం చేసింది తమన్న. ఇప్పట్లో పెళ్లి చేసుకోనంటూ కాస్త కటువుగా సమాధానం చెప్పింది. రీసెంట్ గా వచ్చిన స్త్రీ-2 సినిమాలో స్పెషల్ సాంగ్ చేసింది ఈ బ్యూటీ.
