బిగ్ బాస్ తెలుగు సీజన్-8 కంటెస్టెంట్స్ లో ఒకరు సోనియా ఆకుల. హౌజ్ లోకి వచ్చిన తర్వాతే ఈమె గురించి చాలామందికి తెలిసిందే. అలా హౌజ్ లో 4 వారాల పాటు కొనసాగి ఈమధ్యే ఎలిమినేట్ అయింది సోనియా.
హౌజ్ లో ఉన్నప్పుడే తన పెళ్లి మేటర్ బయటపెట్టింది సోనియా. తనకు బాయ్ ఫ్రెండ్ ఉన్నాడని, అతడ్నే పెళ్లాడబోతున్నట్టు వెల్లడించింది. ఇప్పుడా వివరాలు బయటకొచ్చాయి.
సోనియా పెళ్లాడబోయే వ్యక్తి పేరు యష్. ఇతడికి ఓ టూరిజం సంస్థ ఉంది. విదేశాలకు వెళ్లే విద్యార్థుల కోసం ఓ కన్సల్టెన్సీ కూడా నడిపిస్తున్నాడు. ఇతడికి చెందిన టూరిజం సంస్థలోనే సోనియా పనిచేస్తోంది.
రెండేళ్లుగా ఈ సంస్థలో పనిచేస్తున్న సోనియాకు యష్ ఎట్రాక్ట్ అయ్యాడు. అలా ఇద్దరూ కలిశారు. హౌజ్ లోకి వెళ్లకముందే, యష్ తో కలిసి మాల్దీవులకు కూడా వెళ్లింది సోనియా. ఇప్పుడు అతడ్నే పెళ్లి చేసుకోబోతోంది.
నిజానికి ఈపాటికే వీళ్ల పెళ్లి అవ్వాల్సింది. అంతలోనే బిగ్ బాస్ ఆఫర్ రావడంతో పెళ్లిని వాయిదా వేసుకున్నారు. ఇప్పుడు హౌజ్ నుంచి బయటకు రావడంతో డిసెంబర్ లో పెళ్లికి ఏర్పాట్లు చేసుకుంటున్నారు. ఆర్జీవీ తీసిన ఒకట్రెండు సినిమాలతో సోనియా పాపులర్ అయింది.
