రాశి ఖన్నాకి రావాల్సిన, కావాల్సిన అవకాశం ఎట్టకేలకు దక్కింది.
రాశి ఖన్నా ఒకప్పుడు టాప్ హీరోయిన్లలో ఒకరు. కానీ క్రమంగా ఆమెకి క్రేజ్ పోయింది. బాలీవుడ్, కోలీవుడ్, ఓటిటి అంటూ ఆమె ఆ వైపు బిజీ అయిపొయింది. దాంతో ఆమెకి ఇక్కడ అవకాశాలు తగ్గాయి. గతేడాది కాలంలో ఆమె చేసిన ఏకైక తెలుగు చిత్రం.. తెలుసు కదా. సిద్ధూ జొన్నలగడ్డ సరసన ఆ మూవీ చేసింది.
ఇలాంటి పరిస్థితుల్లో ఆమెకి పవన్ కళ్యాణ్ సరసన నటించే అవకాశం రావడం అంటే గొప్పే కదా. అది జరిగింది ఇప్పుడు. “ఉస్తాద్ భగత్ సింగ్” చిత్రంలో పవన్ కళ్యాణ్ సరసన ఇప్పటికే శ్రీలీల నటిస్తోంది. మరో హీరోయిన్ గా రాశి ఖన్నా ఎంపికైంది. ఆమె ఇప్పటికే షూటింగ్ మొదలుపెట్టినట్టు సమాచారం.
రాశి ఖన్నా కెరీర్ కి ఇప్పుడు మళ్ళీ బూస్టప్ దక్కింది.
