పెళ్లయిన హీరోయిన్లు ఎంతోమంది ఇప్పుడు ఇండస్ట్రీలో రాణిస్తున్నారు. ఈ విషయంలో నార్త్-సౌత్ అనే తేడా కూడా చెరిగిపోయింది. బాలీవుడ్ లోనైతే పెళ్లయినా అందాలు ఆరబోస్తున్న భామలున్నారు. అలియా భట్ లాంటి హీరోయిన్లు మాతృత్వాన్ని ఆస్వాదిస్తూనే, మరోవైపు తమ అందచందాలతో ఆకట్టుకుంటున్నారు.
సౌత్ లో మాత్రం ఈ పరిస్థితిలో ఇంకా చెప్పుకోదగ్గ మార్పు వచ్చినట్టు కనిపించడం లేదు. పెళ్లయిన హీరోయిన్లకు మన దక్షిణాదిలో కూడా హీరోయిన్లుగా అవకాశాలు వస్తున్నాయి. కానీ పెళ్లి చేసుకొని తల్లి అయినా హీరోయిన్లను గ్లామర్ వొలకబోస్తే ఇబ్బంది పడుతున్నారు.
హీరోయిన్ ప్రణీత తాజాగా ట్రోలింగ్ కు గురైంది. దీనికి కారణం ఆమె బాత్ టబ్ లో దిగి ఫొటోలకు పోజులివ్వడమే. ఆమెకు పెళ్లయింది. తల్లి కూడా అయింది. తల్లయిన ప్రణీత, ఇలా బాత్ టబ్ లో బోల్డ్ గా పోజులివ్వడం ఏం బాగాలేదంటూ కొంతమంది కన్నడ, తమిళ ప్రేక్షకులు ఆమెపై ట్రోలింగ్ మొదలుపెట్టారు.
నిజానికి బాత్ టబ్ లో ఫొటోషూట్ చేసినప్పటికీ ప్రణీత ఎక్కడా గీత దాటలేదు. అందులో ఎలాంటి అశ్లీలత కూడా లేదు. అయినప్పటికీ ఓ సెక్షన్ నెటిజన్లు, ట్వీట్లు పారేసుకుంటున్నారు.
ఇది కరెక్ట్ కాదంటున్నారు మరికొంతమంది. ఆమె తన కుటుంబ జీవితాన్ని, వృత్తిని సరిగ్గా బ్యాలెన్స్ చేస్తోందని, పెళ్లయి, బిడ్డకు తల్లయిన తర్వాత కూడా ఆ గ్లామర్ మెయింటైన్ చేయడం గ్రేట్ అని మెచ్చుకుంటున్నారు.
