ఎన్టీఆర్ ప్రస్తుతం రెండు సినిమాలతో బిజీగా ఉన్నాడు. “వార్ 2”, “దేవర 1” సినిమాలు చేస్తున్నాడు. ఇక “దేవర 1” షూటింగ్ చివరి దశకు చేరుకొంది. ఇక “వార్ 2” షూటింగ్ పావు భాగం పూర్తి అయింది.
“వార్ 2″లో ఎన్టీఆర్, హృతిక్ రోషన్ కలిసి నటిస్తున్నారు. ఇది యాక్షన్ సినిమా. “వార్” మొదటి భాగంలో హృతిక్ రోషన్, టైగర్ స్రోప్ నటించారు. ఇద్దరూ అద్భుతమైన ఫిజిక్ ఉన్న హీరోలు. ఆ సినిమాలో వాళ్ళు తమ కండలు, 6-ప్యాక్ బాడీని ప్రదర్శించారు. ఇప్పుడు రెండో భాగంలో హృతిక్, ఎన్టీఆర్ కూడా అలాగే చేస్తారని అంచనాలు ఉన్నాయి.
“అరవింద సమేత” సినిమా కోసం ఎన్టీఆర్ అద్భుతమైన బాడీని డెవలప్ చేసుకొని, షర్ట్ లేకుండా ఆ సినిమాలో మొదటి ఫైట్ చేశారు. ఆ ఫైట్ ఆ సినిమాకి చాలా హైలెట్. ఇప్పుడు మళ్ళీ అలాంటి షర్ట్ లెస్ యాక్షన్ సీన్ ఎన్టీఆర్ చేస్తారని అంటున్నారు.
అలాగే ఈ సినిమాలో ఎన్టీఆర్, హృతిక్ పై “నాటు నాటు”కి మించిన సాంగ్ ఒకటి తీస్తారట.
