నటి హేమ మరో వీడియో రిలీజ్ చేశారు. డ్రగ్స్ కేసులో ఇరుక్కున్నప్పట్నుంచి వరుసగా వీడియోలు విడుదల చేస్తున్న ఈ నటి, తాజాగా మరో వీడియా చేశారు. ఈసారి ఆమె ఓ సెక్షన్ మీడియాపై ఆరోపణలు చేశారు.
తనకు డ్రగ్స్ పరీక్షల్లో నెగెటివ్ వచ్చినప్పటికీ, కొన్ని మీడియా సంస్థలు అదే పనిగా పాజిటివ్ వచ్చినట్టు కథనాలు ఇస్తున్నాయని ఆమె ఆరోపించారు. దీనికి సంబంధించి తను సదరు మీడియా ప్రతినిధులతో మాట్లాడుతున్నప్పటికీ ఫలితం ఉండడం లేదని బాధపడ్డారు.
అందుకే ఆ మీడియా వాళ్లకు తనదైన ప్రతిపాదన చేశారు హేమ. కొంతమంది మీడియా సంస్థల ప్రతినిధులంతా కలిసి కూర్చొని చర్చించి ఓ తేదీ చెబితే, ఆ తేదీకి హేమ, వాళ్లు చెప్పిన ప్లేస్ కు వస్తుందంట.
అన్ని రకాల శాంపిల్స్ అందిస్తుందంట. అలా మీడియానే తనకు డ్రగ్స్ పరీక్షలు నిర్వహించాలని ఆమె డిమాండ్ చేస్తున్నారు. ఆ పరీక్షల్లో పాజిటివ్ వస్తే ఏ శిక్ష అయినా అనుభవిస్తానని, నెగెటివ్ వస్తే మీడియా సంస్థలు తమ వైఖరి మార్చుకోవాలని ఆమె సవాల్ చేస్తున్నారు.
డ్రగ్స్ కేసుకు సంబంధించి ఛార్జ్ షీట్ ను తానింకా చూడలేదని, ఛార్జ్ షీట్ లో తనకు నెగెటివ్ వచ్చినట్టు పొందుపరిచినట్టు తన లాయర్ ద్వారా తెలిసిందన్నారు.
