గోపీచంద్ మరోసారి తన ఫ్రెండ్ ప్రభాస్ పై ఉన్న అభిమానాన్ని చాటుకున్నాడు. కెరీర్ స్టార్టింగ్ లో విలన్ వేషాలు వేసిన ఈ హీరో, ప్రభాస్ అడిగితే అతడి సినిమాలో విలన్ గా చేసేందుకు ఓకే అన్నాడు.
“ఇప్పుడు నాకు విలన్ పాత్రలు చేయాలని లేదు. విలన్ రోల్ చేయాలంటే ఏదో ఫైట్స్ కోసం కాకుండా, ఆ పాత్రలో చాలా డెప్త్ ఉండాలి. అలాంటి రోల్స్ రావడం లేదు. అయితే ప్రభాస్ సినిమాలో విలన్ రోల్ వస్తే మాత్రం చేస్తాను.”
కెరీర్ ప్రారంభంలో తను చేసిన 3 విలన్ పాత్రలు ప్రేక్షకుల మనసుల్లో అలానే ఉండిపోయాయని, ఆ పాత్రల్లో గాఢత అలాంటిదని చెప్పుకొచ్చాడు గోపీచంద్. అందుకే తను హీరోగా సినిమాలు చేస్తున్నప్పటికీ, విలన్ పాత్ర చేస్తే చూడాలని కొంతమంది కోరుకోవడం సహజమన్నాడు.
శ్రీనువైట్ల దర్శకత్వంలో ‘విశ్వం’ సినిమా చేశాడు గోపీచంద్. ఈ సినిమా ప్రమోషన్ కోసం మరోసారి మీడియా ముందుకొచ్చాడు. విశ్వం సినిమా పూర్తిగా శ్రీనువైట్ల స్టయిల్ లో ఉంటుందని క్లారిటీ ఇచ్చాడు.
