విశ్వక్ పెళ్లి ఎప్పుడు చేసుకుంటాడు? ఈ ప్రశ్న అడిగిన ప్రతిసారి నాకా.. పెళ్లా.. అప్పుడేనా.. నేనింకా చిన్న పిల్లాడ్ని అంటూ వయసు లెక్కలు చెప్పేవాడు విశ్వక్. అయితే ఈమధ్య ఈ హీరో మాట మార్చాడు. తనకు కూడా వయసు పెరుగుతోందని, వయసుతో పాటు మెచ్యూరిటీ కూడా పెరుగుతోందని అన్నాడు. అందుకే ఇకపై అతిగా రియాక్ట్ అవ్వనని కూడా అన్నాడు. సెటిల్ గా ఉంటానని మాటిచ్చాడు కూడా.
సో.. వయసొచ్చింది కాబట్టి పెళ్లి చేసుకోవాలి కదా. మరోసారి విశ్వక్ కు అదే ప్రశ్న ఎదురైంది. ఈసారి ఈ హీరో తప్పించుకోలేదు. పెళ్లి చేసుకుంటానని చెప్పాడు. సంబంధాలు చూడమని ఇంట్లో అమ్మకు కూడా చెప్పాడంట.
అంటే, ఇంట్లో చూసిన సంబంధం చేసుకోబోతున్నాడన్నమాట. విశ్వక్ ఎవ్వర్నీ ప్రేమించడం లేదన్నమాట. ఇలా గుసగుసలాడుతుంటున్నారు జనం. ఈకాలం ఓ హీరో, యూత్ లో మంచ ఫాలోయింగ్ ఉన్న నటుడు, ఇంట్లో చూసిన సంబంధం చేసుకుంటానని చెప్పడం కొంత వింతగా, ఇంకాస్త కొత్తగా అనిపించడం సహజం.
‘హిట్-3’ ప్రీ-రిలీజ్ ఫంక్షన్ కు అతిథిగా వచ్చిన విశ్వక్, తన పెళ్లి మేటర్ ను ఇలా బయటపెట్టాడు. చూస్తుంటే, త్వరలోనే పెళ్లి కబురు మోసుకొచ్చేలా ఉన్నాడు.
