విజయ్ దేవరకొండ సినిమా కోసం ముగ్గురు ప్రముఖ స్టార్స్ ముందుకొచ్చారు. విజయ్ దేవరకొండ 12వ చిత్రం మొదటి టీజర్ రేపు విడుదల కానుంది. ఈ టీజర్ కి వాయిస్ ఓవర్ చెప్పారు ముగ్గురు బడా స్టార్స్.
తెలుగు టీజర్ కోసం యంగ్ టైగర్ ఎన్టీఆర్ తన గొంతు అందించారు. హిందీ కోసం రణబీర్ కపూర్, తమిళ్ కోసం సూర్య వాయిస్ ఇవ్వడం విశేషం. నిర్మాత నాగవంశీతో అనుబంధం కారణంగా ఎన్టీఆర్ అంగీకరించగా, విజయ్ దేవరకొండతో ఉన్న స్నేహం వల్ల రణబీర్ కపూర్, సూర్య ఒప్పుకున్నారు.
ప్రస్తుతం విజయ్ దేవరకొండకి భారీ హిట్ అవసరం. ఈ ముగ్గురు స్టార్స్ సహకారం, వారి గొంతు ఈ సినిమాకి మంచి బజ్ వచ్చేలా చేస్తుంది.
ఈ సినిమా టీజర్ లో ఈ హీరోలు విజయ్ దేవరకొండ పాత్రకి సంబంధించిన ఎలివేషన్లు ఇస్తారట. చివరలో విజయ్ దేవరకొండ పాత్ర ఎంట్రీ ఇస్తుందట.
ఈ వేసవిలో ఈ సినిమాని విడుదల చేసే అవకాశం ఉంది. విజయ్ దేవరకొండ, భాగ్యశ్రీ జంటగా నటిస్తున్న ఈ సినిమాకి గౌతమ్ తిన్ననూరి దర్శకుడు. ఈ డైరెక్టర్ ఇంతకముందు నానితో ‘జెర్సీ’ సినిమా తీశారు.
