సిద్దార్థ్ తెలంగాణ అల్లుడనే విషయం తెలిసిందే. ఎప్పుడైతే అదితి రావు మెడలో మూడు ముళ్లు వేశాడో, అప్పుడే తెలంగాణ అల్లుడు అయిపోయాడు ఈ నటుడు. ఇప్పుడీ హీరో ఓ ఇంటివాడు కూడా అయ్యాడు.
జీవితంలో తొలిసారి ఓ ఇల్లు కొన్నాడు సిద్దార్థ్. ఆ విషయాన్ని అతడే స్వయంగా బయటపెట్టాడు. పాతికేళ్లకు పైగా కెరీర్ లో ఉన్న సిద్దార్థ్ ఎంతో డబ్బు సంపాదించాడట. కానీ ఇల్లు కొనాలని, ఆస్తులు కూడబెట్టాలని ఎప్పుడూ అనుకోలేదంట.
ఎప్పుడైతే అదితి రావు, అతడి జీవిత భాగస్వామి అయిందో, అప్పుడిక ఓ ఇల్లు కొనాలనే ఆలోచన వచ్చిందంట. ఆలోచన వచ్చిందే తడవుగా తన డ్రీమ్ హౌజ్ ను 2 నెలల కిందట కొనుగోలు చేశాడు సిద్ధూ.
ఇప్పుడు తనకు ఓ ఇంటి పేరు ఉందని, ఆ ఇంటి పేరుపై అందమైన ఇల్లు కుడా ఉందని గర్వంగా చెబుతున్నాడు ఈ హీరో. ఇతడు నటించిన త్రీ-బీహెచ్కే సినిమా విడుదలకు సిద్ధమైంది. ఈ సినిమా ప్రచారంలో భాగంగా ఈ విషయాన్ని వెల్లడించాడు సిద్దార్థ్.
