నాగచైతన్య, శోభిత వంతులేసుకుంటున్నారు. ఒక్కో వీకెండ్ ను ఒక్కొక్కరు పంచుకుంటున్నారు. అవును.. ఒక వీకెండ్ నాగచైతన్య చెప్పినట్టు శోభిత ఉండాలి. మరో వీకెండ్ శోభిత చెబుతుంది, చైతూ వినాలి. ఈ విషయాన్ని నాగచైతన్య బయటపెట్టాడు.
సాధారణ రోజుల్లో వీళ్లు కలుసుకునేది తక్కువ అంట. అయితే ఎక్కడున్నా వీకెండ్స్ లో మాత్రం తప్పనిసరిగా కలుసుకుంటారట. అప్పుడు కూడా అభిరుచులు వదులుకోమని, ఓ వారం తనకు నచ్చినట్టు శోభిత ఉంటుందని, మరోవారం శోభితను నచ్చినట్టు తను ఉంటానని అన్నాడు.
అయితే ఎవరి వారమైనా.. వీకెండ్ మాత్రం ఓ మంచి భోజనంతో మొదలై, మరో మంచి భోజనంతో ముగించేలా ప్లాన్ చేసుకుంటుందంట ఈ జంట. మిగతా రోజుల్లో ఎక్కడున్నా, వీకెండ్స్ మాత్రం కలిసి భోజనం చేయాలని కండిషన్స్ పెట్టుకున్నారట.
ప్రస్తుతం శోభిత ఎక్కువగా ముంబయిలో ఉంటోంది. ఆమె కొన్ని యాడ్స్ తో పాటు, వెబ్ సిరీసులు చేస్తోంది. నాగచైతన్య హైదరాబాద్ లో సినిమాలతో బిజీగా ఉంటున్నాడు. వీకెండ్స్ లో మాత్రం ముంబయి లేదా హైదరాబాద్ లో ఎక్కడో ఒకచోట వీళ్లు కలుసుకుంటారు.
