
రానాకి హీరోగా కన్నా విలన్ గానే ఎక్కువ సక్సెస్ ఉంది. పాన్ ఇండియా లెవల్లో పాపులర్ అయింది “బాహుబలి” వంటి సినిమాల్లో విలన్ గా నటించడం వల్లే. ఇటీవల “భీమ్లా నాయక్”లో కూడా ప్రతినాయకుడి పాత్రలోనే కనిపించారు రానా.
ఆ మధ్య ఆరోగ్యం దెబ్బ తినడం వల్ల సినిమాల సంఖ్య తగ్గించిన రానా మళ్ళీ విలన్ పాత్రలతో బిజీ అవుతున్నారు. తాజాగా రజినీకాంత్ సినిమాలో కూడా విలన్ గానే నటిస్తున్నారట.
రానా ఇప్పటికే హైదరాబాద్ లో జరిగిన షూటింగ్ లో రజినీకాంత్ తో కలిసి కొన్ని కీలకమైన సీన్లు పూర్తి చేశారు. ఈ సినిమా ఈ ఏడాది దీపావళి కానుకగా విడుదల కానుంది. రానాకి విలన్ పాత్రలకు కూడా మంచి పారితోషికం దక్కుతోంది. సినిమాకి 5 కోట్ల వరకు తీసుకుంటున్నాడు.
ఇక హీరోగా రెండు సినిమాలు లైన్లో ఉన్నాయి. కానీ అవి ఎప్పుడు పూర్తి చేసుకుంటాయో చూడాలి.