చిరంజీవిపై తనకు ఎంత అభిమానం ఉందో మరోసారి బయటపెట్టాడు దర్శకుడు-నటుడు ఎస్ జే సూర్య. అదే అభిమానం రామ్ చరణ్ పై కూడా ఏర్పడిందంటూ దానికి కారణాలు వెల్లడించాడు.
“రామ్ చరణ్ రియల్ కింగ్. చిరంజీవి గారిలా రియల్ కింగ్ ఆయన. ఆయన ప్రవర్తనలో కింగ్. మంచి మనసులో కింగ్. నడక-నటన-స్టయిల్.. ఇలా అన్నింటిలో ఆయన కింగ్. అందుకే నా ఫోన్ లో ఆయన నంబర్ ను ఆర్సీ (రామ్ చరణ్) ది కింగ్ అని సేవ్ చేసుకున్నాను.”
తనకు మనసులో ఏమనిపిస్తోంది అదే చెబుతానని, రామ్ చరణ్ పై తన అభిప్రాయం కూడా మనసులోంచి వచ్చిందంటున్నాడు ఎస్ జే సూర్య.
“గేమ్ ఛేంజర్” సినిమాలో తొలిసారి చరణ్ తో కలిసి నటించాడు ఎస్ జే సూర్య. ఆ సినిమా టైమ్ లో చరణ్ ను దగ్గరుండి గమనించే అవకాశం వచ్చిందని, చిరంజీవికి ఏమాత్రం తీసిపోని వ్యక్తిత్వం చరణ్ లో చూశానంటున్నాడు.
