ప్రస్తుతం దర్శకుడు పూరి జగన్నాధ్ కు బ్యాడ్ పీరియడ్ నడుస్తోంది. ‘లైగర్’ డిజాస్టర్ తర్వాత ‘డబుల్ ఇస్మార్ట్’ పేరిట మరో డిజాస్టర్ ఇచ్చాడు. ఈయనతో సినిమా చేయడానికి జంకుతున్నారు హీరోలు. ఫైనాన్స్ చేయడానికి ఎవ్వరూ ముందుకురాని పరిస్థితి.
అయితే పూరి కెరీర్ లో వరస్ట్ పీరియడ్ ఇది కాదంటున్నాడు రచయిత కోన వెంకట్.
ఇంతకంటే వరస్ట్ పీరియడ్ ను పూరి జగన్నాధ్ చూశాడని, అలాంటి పరిస్థితుల నుంచి కూడా ఆయన బౌన్స్ బ్యాక్ అయ్యాడని, కాబట్టి మరోసారి ఆయన సక్సెస్ కొట్టడం గ్యారెంటీ అంటున్నాడు కోన.
పూరిలో ఉన్న టాలెంట్ ఎక్కడికీ పోలేదని, త్వరలోనే ఆయన ఓ మంచి హిట్ ఇస్తాడని అంటున్నాడు కోన. ప్రస్తుతం పూరి దగ్గర 4 కథలు సిద్ధంగా ఉన్నాయంట. దాంట్లో ఏ కథతో ప్రస్తుతం ముందుకెళ్తే బాగుంటుందనే ఆలోచనలో ఉన్నాడట.
