పవన్ కల్యాణ్ లో నటుడు మాత్రమే కాదు.. ఓ దర్శకుడు, సంగీత దర్శకుడు, కొరియోగ్రాఫర్, స్టంట్ మాస్టర్, లిరిసిస్ట్ కూడా ఉన్నాడనే విషయం అందరికీ తెలిసిందే. సినిమాలో అన్ని క్రాఫ్ట్స్ పై ఆయనకు పట్టుంది.
‘జానీ’, ‘గుడుంబా శంకర్’ సినిమాల టైమ్ లో ప్రతి విభాగాన్ని పవన్ దగ్గరుండి చూసుకునేవారు. ఆ తర్వాత రాజకీయాలు, వ్యక్తిగత కారణాల వల్ల కేవలం నటనకు మాత్రమే పరిమితమయ్యారు.
అయితే మళ్లీ ఇన్నేళ్లకు పవన్, తనలోని స్టంట్ మాస్టర్ ను బయటపెట్టారు. ‘హరిహర వీరమల్లు’ సినిమాలో పవన్ స్వయంగా ఓ యాక్షన్ బ్లాక్ కు స్టంట్స్ కంపోజ్ చేశారు. ఆ యాక్షన్ బ్లాక్ తెరపై వస్తున్నప్పుడు, బ్యాక్ గ్రౌండ్ లో ఓ పాట వినిపిస్తుంది.
ఆ పాటనే తాజాగా విడుదల చేశారు. ఆ ఒక్క యాక్షన్ బ్లాక్ కోసం 50-60 రోజులు కష్టపడ్డారట పవన్ కల్యాణ్. ఈ విషయాలన్నింటినీ దర్శకుడు జ్యోతికృష్ణ బయటపెట్టాడు.
