ఇటీవల మంచి విజయం సాధించిన చిత్రం… “మహారాజా”. విజయ్ సేతుపతి హీరోగా నటించిన ఈ సినిమాకి ప్రశంసలు బాగా దక్కాయి. ఈ సినిమాని డైరెక్ట్ చేసిన నిథిలన్ స్వామినాథన్ ని సూపర్ స్టార్ రజినీకాంత్ ఇంటికి పిలిపించుకొని మరీ అభినందించారు. స్క్రీన్ ప్లే అదరగొట్టావు అని మెచ్చుకున్నారు రజినీకాంత్.
చాలామంది హీరోలకు, హీరోయిన్లకు ఈ దర్శకుడి ప్రతిభ నచ్చింది. అందుకే కథ ఉంటే చెప్పు మనం సినిమా చేద్దాం అని పలువురు స్టార్స్ అతనికి ఓపెన్ ఆఫర్ ఇచ్చారు. అలాంటి వారిలో నయనతార ఒకరు. ఆమె సినిమా చేద్దామని చెప్పగానే “మహారాజా”కి సీక్వెల్ గా “మహారాణి” అనే స్క్రిప్ట్ వినిపించారట నిథిలన్. ఇది పూర్తిగా హీరోయిన్ ఓరియెంటెడ్ చిత్రం అన్నమాట.
నయనతారకి ఈ ఐడియా నచ్చిందట. వెంటనే సినిమా చేసేందుకు అంగీకరించినట్లు సమాచారం. ఐతే, ఇది వెంటనే ఉంటుందా లేక ఆ దర్శకుడు మరో సినిమా చేసిన తర్వాత నయనతార సినిమాని టేకప్ చేస్తాడా అన్నది చూడాలి.
నయనతార కూడా సోలో హీరోయిన్ గా ఒక మంచి హిట్ కావాలని చూస్తోంది. ఇటీవల ఆమె హీరోయిన్ ఓరియెంటెడ్ చిత్రాలు అంతగా ఆడడం లేదు. బాలీవుడ్ లో నటించిన “జవాన్” పెద్ద బ్లాక్ బస్టర్ అయింది. కానీ అది పూర్తిగా షారుక్ ఖాన్ ఖాతాలోనే పడింది. తనకి సొంతగా హిట్ కావాలి. సూపర్ స్టార్ అన్న పేరుని నిలబెట్టుకోవాలంటే హీరోయిన్ గా పెద్ద హిట్స్ ఇవ్వాలి మరి.
