శైలేష్ కొలను.. కెరీర్ లోనే బిగ్గెస్ట్ డిజాస్టర్ ఇచ్చాడు. అదే ‘సైంధవ’ సినిమా. వెంకటేశ్ కెరీర్ లో మైల్ స్టోన్ మూవీ ఇది. కానీ ఫలితం లేకుండా పోయింది. తన 75వ సినిమా అని వెంకీ చెప్పుకునే పరిస్థితి లేదక్కడ.
అయితే శైలేష్ కు ఈ ఫ్లాప్ తో సంబంధం లేదంటున్నాడు హీరో నాని. అతడి రేంజ్ వేరే అంటూ కితాబిస్తున్నాడు. శైలేష్ తో ‘హిట్-3’ తీసిన నాని, దర్శకుడికి కాస్త తొందర ఎక్కువని, ఆ తొందరలో కొన్ని తప్పుడు నిర్ణయాలు తీసుకుంటాడని తెలిపాడు.
అయితే ఈమధ్య శైలేష్ లో చాలా మార్పు వచ్చిందని, ఏ పనైనా చాలా పద్ధతిగా చేస్తున్నాడని అన్నాడు. ఏ దర్శకుడిలో లేని ప్రత్యేకమైన లక్షణం శైలేష్ లో ఉందంటున్నాడు నాని. ఎలాంటి పనినైనా సాధించి చూపిస్తాడట.
‘హిట్-3’ లాంటి సినిమా తీయడం చాలా కష్టమని, శైలేశ్ ఉన్నాడు కాబట్టి ఈ కథలో నటించడానికి తను ఒప్పుకున్నానని అన్నాడు నాని. సినిమా చూసిన తర్వాత తన స్టేట్ మెంట్ నిజమని అంతా ఒప్పుకుంటారని ధీమాగా చెబుతున్నాడు.
