ధనుష్ కథానాయకుడుగా శేఖర్ కమ్ముల తీస్తున్న చిత్రం ‘కుబేర’. ఇందులో నాగార్జునది కీలక పాత్ర. హీరో పాత్రలతో పటు కీలక పాత్రలు చెయ్యాలి అని నాగార్జున నిర్ణయించుకున్నారు.
ఇక గురువారం రాత్రి నాగార్జున ఫస్ట్ లుక్‌ను విడుదల చేశారు. స్టార్ స్పోర్ట్స్ వేదికగా IPL 2024 ప్రసారం మధ్యలో విడుదల చేసిన నాగార్జున ఫస్ట్ లుక్, గ్లింప్స్ సినిమాపై క్యూరియాసిటీని పెంచింది. సన్ రైజర్స్ హైదరాబాద్ వర్సెస్ రాజస్థాన్ రాయల్స్ IPL గేమ్ సమయంలో కింగ్ నాగార్జున ఫస్ట్ లుక్‌ను టెలికాస్ట్ చేశారు.
మైథలాజికల్ పాన్ ఇండియన్ చిత్రంగా రూపొందుతోంది. నాగార్జున ఇందులో కొంచెం నెగెటివ్ షేడ్స్ ఉన్న పాత్ర పోషిస్తున్నారు. ముంబై నేపథ్యంగా ఈ సినిమా కథ ఉంటుంది.
ఈ చిత్రంలో ధనుష్ సరసన రష్మిక మందన్న నటిస్తోంది.శ్రీ వెంకటేశ్వర సినిమాస్ ఎల్‌ఎల్‌పి, అమిగోస్ క్రియేషన్స్ ప్రైవేట్ లిమిటెడ్ బ్యానర్లపై సునీల్ నారంగ్, పుస్కుర్ రామ్ మోహన్ రావు సంయుక్తంగా ఈ చిత్రాన్ని నిర్మిస్తున్నారు. ఈ సినిమాను ఏకకాలంలో తమిళం, తెలుగు, హిందీ భాషల్లో చిత్రీకరిస్తున్నారు.
