తన వ్యక్తిగత జీవితానికి సంబంధించి ఆసక్తికర విషయాన్ని బయటపెట్టాడు నాగచైతన్య. ఆదివారం వస్తే ఈ హీరో పండగ చేసుకుంటాడట. ఇంతకీ సండే వస్తే చైతూ ఏం చేస్తాడో తెలుసా? ఐస్ క్రీమ్ తింటాడు.
ఐస్ క్రీమ్ తినడానికి కూడా ఆదివారం రావాలా? ఎప్పుడైనా తినొచ్చు కదా? దీనికి చైతూ దగ్గర సాలిడ్ సమాధానం ఉంది. రోజూ డైట్ లో ఉంటాడు చైతూ. అందుకే ఆ ఫిజిక్ అలా మెయింటైన్ అవుతోంది. రోజుకు 125 గ్రాముల చికెన్, 100 గ్రాముల రైస్.. ఇలా లెక్కలేసుకొని తింటాడు.
ఈ క్రమంలో డెయిరీ ఉత్పత్తులకు, బిర్యానీలకు పూర్తిగా దూరమయ్యాడు. అందుకే ఆదివారం మాత్రం ఒక ఐస్ క్రీమ్ తింటానని, ఆదివారం కోసం ఎదురుచూస్తుంటానని వెల్లడించాడు. ఇక బిర్యానీ విషయానికొస్తే, నెలకు 2 సార్లు బిర్యానీ తింటాడట. ఆ 2 బిర్యానీల మధ్య మినిమం 10 రోజులు గ్యాప్ ఇస్తాడట.
ఇలా స్ట్రిక్ట్ గా డైట్ ఫాలో అవుతాడు నాగచైతన్య. చైతూ మాత్రమే కాదు, మహేష్, చరణ్ లాంటి చాలామంది హీరోలు డైట్ విషయంలో చాలా కఠినంగా ఉంటారు.
