సూపర్ స్టార్ మహేష్ బాబు టైం దొరికితే చాలు విదేశాలకు వెకేషన్ వెళ్తారు. ఆయన ఈ ఏడాది ఇప్పటికే ఒకసారి యూరోప్, రెండు సార్లు దుబాయ్, ఒకసారి ఆస్ట్రియా వెళ్లి వచ్చారు. మరి ఇంత ఎండాకాలంలో ఎలాంటి షూటింగ్ లు లేని ఈ టైంలో హైదరాబాద్ లో ఎందుకు ఉంటున్నారు? వెకేషన్ కి ఇంకా ఎందుకు వెళ్ళలేదు? దానికి కారణం రాజమౌళి అని చెప్పాలి.
రాజమౌళి – మహేష్ బాబు సినిమా షూటింగ్ జూన్ లో కానీ జులైలో కానీ మొదలవుతుంది. ఈ సినిమాకి సంబంధించిన కొన్ని విషయాలను చర్చించేందుకు ఇటీవల మహేష్ బాబు, రాజమౌళి, నిర్మాత కె. ఎల్. నారాయణ దుబాయ్ వెళ్లారు. కానీ, వీరు వెళ్లిన రెండు రోజులకే అక్కడ వరదలు వచ్చాయి. దాంతో, వెంటనే హైదరాబాద్ రావాల్సి వచ్చింది.
ప్రస్తుతం మహేష్ బాబు ఈ సినిమాకి సంబంధించిన కొన్ని సీన్లు ప్రాక్టీస్ చేస్తున్నారట. రాజమౌళి చెప్పినవి చేసేందుకు ఇక్కడే ఉండి ఇంట్లోనే ప్రిపేర్ అవుతున్నారు.
షూటింగ్ కి పక్కాగా ముహూర్తం ఫిక్స్ అయ్యాక, ఆ డేట్ ఎప్పుడో తెలిసిన తర్వాత, ఆ ముహూర్తానికి కొద్ది రోజుల ముందు వెకేషన్ కి వెళ్లాలని మహేష్ బాబు ప్లాన్ చేస్తున్నారట. అది ఈ నెలలోనే ఉండొచ్చు.
ALSO READ: మహేష్ జుట్టు… ఇంకా ప్రూఫ్ అక్కర్లేదు!
