దీపిక పదుకోన్ ఇటీవలే ఓ బిడ్డకు జన్మనిచ్చింది. తమ కూతురికి ‘దువా’ అనే పేరు పెట్టారు దీపిక, రణ్వీర్ సింగ్. దీపిక కూతురుకి ఇప్పుడు ఆర్నెళ్లు నిండాయి. దాంతో, ఇక మళ్ళీ సినిమాలవైపు ఫోకస్ పెట్టాలనుకుంటోంది.
“నా కూతురిని వదిలి మళ్ళీ షూటింగ్ లు ఎలా చెయ్యాలి. పనికి వెళ్తే చిన్నపిల్లని వదిలేసి వచ్చాను అనే అపరాధ భావనను ఎలా ఎదుర్కోవాలి అని సందిగ్ధం ఇంకా వీడలేదు. అపరాధ భావన లేకుండా తిరిగి పని చెయ్యడం మెల్లగా అలవాటు చేసుకునే ప్రాసెస్ లో ఉన్నాను,” అని తాజాగా దీపిక తెలిపింది.
కొత్తగా సినిమాలు ఒప్పుకోవడానికి ఇంకా కొంచెం టైం పడుతుందని ఆమె చెప్పింది.
షారుక్ ఖాన్ వచ్చే ఏడాది “పఠాన్ 2” తీయాలనుకుంటున్నాడు. అలాగే ప్రభాస్ కూడా “కల్కి 2” సినిమాకి డేట్స్ వచ్చే ఏడాది ఇచ్చాడు. అంటే వచ్చే ఏడాదిలోపు దీపిక స్లిమ్ అయి మళ్ళీ రెడీ అవ్వాలి. ఈ రెండు సినిమాల్లో ఆమె నటించాలి.
