ఫ్లాప్ అయిన సినిమాలు వీలైనంత తొందరగా ఓటీటీలోకి రావడం సర్వసాధారణం. “భారతీయుడు-2” సినిమాది కూడా ఇదే పరిస్థితి. ఫ్లాప్ అయిన ఈ సినిమా నెల తిరక్కముందే ఓటీటీలోకి వచ్చేస్తోంది. 9వ తేదీ నుంచి నెట్ ఫ్లిక్స్ లో ఈ సినిమా స్ట్రీమ్ అవుతుంది.
సినిమా ఫ్లాప్ అవ్వడంతో లైకా నిర్మాతలకు, నెట్ ఫ్లిక్స్ కు మధ్య డబ్బుల విషయంలో చిన్నపాటి గొడవ జరిగినట్టు వార్తలొచ్చాయి. సినిమా ఫెయిలైంది కాబట్టి చెప్పిన ఎమౌంట్ ఇవ్వలేమంటూ నెట్ ఫ్లిక్స్ మరోసారి బేరాలకు దిగినట్టు కథనాలు వచ్చాయి.
ఓవైపు ఇలా కథనాలు వస్తుండగానే, మరోవైపు భారతీయుడు-2 స్ట్రీమింగ్ డేట్ ను బయటపెట్టింది నెట్ ఫ్లిక్స్. అయితే ఈ సినిమా హిందీ వెర్షన్ స్ట్రీమింగ్ డేట్ ను మాత్రం ఇంకా వెల్లడించలేదు.
కమల్ హాసన్ సేనాపతి పాత్రలో నటించిన ఈ సినిమాకు శంకర్ దర్శకుడు. 1996లో వచ్చిన “భారతీయుడు” సినిమాకు సీక్వెల్ గా భారతీయుడు-2 తెరకెక్కింది.
