ఇప్పుడిప్పుడే కేసుల నుంచి బయటపడుతున్నాడు బన్నీ. మెల్లమెల్లగా బయటకొచ్చి కొత్త సినిమా పనిలో బిజీ అవుతున్నాడు. ఇలాంటి టైమ్ లో మరోసారి బన్నీపై కేసు పెట్టాలంటున్నారు కొంతమంది.
కార్పొరేట్ కాలేజీలకు బ్రాండ్ అంబాసిడర్ గా ఉంటూ విద్యార్థుల్ని, తల్లిదండ్రుల్ని బన్నీ మోసం చేశాడని ఆరోపిస్తోంది ఆలిండియా స్టూడెంట్స్ ఫెడరేషన్. ఈ మేరకు బన్నీపై కేసు నమోదు చేయాలంటూ తెలంగాణ డీజీపీకి ఫిర్యాదు చేశారు.
ఈమధ్య ఓ విద్యా సంస్థకు ప్రచారం చేశాడు బన్నీ. దీన్ని స్టూడెంట్స్ ఫెడరేషన్ తప్పుబడింది. సదరు విద్యా సంస్థతో పాటు బన్నీపై క్రిమినల్ కేసు పెట్టాలని డిమాండ్ చేస్తోంది. ఇవే విద్యా సంస్థలకు నటి శ్రీలల కూడా ప్రచారం చేసింది. ప్రస్తుతం ఈ వీడియోలు సోషల్ మీడియాలో చక్కర్లు కొడుతున్నాయి.
అట్లీతో సినిమా చేస్తున్నాడు అల్లు అర్జున్. సైన్స్ ఫిక్షన్ కాన్సెప్ట్ తో పాన్ ఇండియా లెవెల్లో భారీ బడ్జెట్ తో రాబోతోంది ఈ మూవీ. ‘పుష్ప-2’ లాంటి ఇండస్ట్రీ హిట్ తర్వాత అల్లు అర్జున్ చేస్తున్న సినిమా ఇదే.
